April 13. Isang magandang araw. Ni hindi ko inasahan na mangyayari ito. Ang matanggap ako sa trabaho! Biglaan ang lahat, kasi, pagpunta ko sa office nila sa Eastwood, isang araw lang ang processing at ayun! TANGGAP NA AKO! Di ko talaga inaasahan na matatanggap ako dito sa Convergys. Kasi, parang naglalaro lang ako sa Jobstreet. Pasa ng resume dito, pasa ng resume doon. Pero hindi ko talaga inaasahan na matatanggap ako sa kumpanyang ito - bilang isang customer service representative. Nagdalawang isip pa nga ako kung pipirma ako ng kontrata o huwag na, kaya bumalik ako kinabukasan at doon, pinirmahan ko na yung kontrata.
DAY 01
Ang umpisa ng trabaho ko ay April 16, 2012, at aminado ako na sobrang nakakakaba at nakakaexcite yung nararamdaman ko. So eto na, first day of work. LATE AKO. Late ako ng isang oras sa work dahil pahirapan ang pagkuha ng NBI Clearance. Inabot ako ng 6 hours sa pila at hindi ko pa natapos iyon ha. So ang 4:00 PM na pasok ko sa Insular Life Building sa Makati ay naging 5:00 PM. Nakakahiya sa trainer ko dahil first time, late ako. Pero let's face it. Ganito talaga ang buhay.
Unang sulyap ko sa office ko, syempre, kinabahan ako. Medyo hindi pa pamilyar yung mukha nung iba, pwera doon sa mga taga Davao na kasabayan ko sa interview. Ang ginawa lang namin maghapon ay fill-up-an ang mga forms ng BDO at kung anu-ano pang insurance na kailangan ng company. Syempre medyo nahihiya pa ako noon at buti na lamang, nagpasya yung trainer namin na gumawa ng isang mini activity - at laking tuwa ko ng malaman ko na drawing ang gagawin naming activity, dahil syempre, advantage ko. So iyun, maayos naman yung naging presentation namin about sa drawing na ginawa ko na nagpapakita ng isang kalsada na nagiging puno dahil ang gusto naming ipakita ang yung aming mga sarili within months of working inside Convergys.
DAY 02
Pangalawang araw ko sa Convergys at ito ang first day ng CCT. Sobrang kinakabahan na naman ako kasi, bagong mga mukha na naman ang makikita ko at ito na talaga yung mga makikita ko sa group namin. Syempre, tambay lang ako sa pantry dahil wala pa naman akong masyadong kakilala dito. Nakikisakay lang ako sa ibang mga tao na malaman-laman kong kasama ko pala sa GM account. Hinantay namin ang trainer namin, at laking akala ko ay babae sya. Yun pala, lalaki sya. Ang pangalan ni trainer? Quinn Ang.
Pagpasok namin sa loob ng classroom, binilang ko ang number namin. 14 kami, parang mga housemates lang ni Big Brother, at may nadagdag na 2 pa sa group namin ng humabol sila kinagabihan.
Ang saya lang ng aming second day dahil unti-unting nadedevelop yung mga friendly relationship sa loob ng office, at mas tumitindi pa yung bond namin pag uwian na, dahil sabay sabay kami sa loob ng bus.
DAY 03
Third day, at ako ay nalate ng 30 minutes. Grabeng byahe kasi yan from Eastwood, sobrang traffic. Buti nalang at mabait si Quinn, kaya isang instance lang ang naibigay nya sa akin. So iyon, ang mga usapan namin sa office ay mas nagiging open. At least nagseshare na kami ng mga thoughts namin, at yung mga common interests. May mga kasabay na rin akong kumain sa pantry, at syempre, hindi mawawala ang mga mini bonding namin sa loob ng office, pareho sa class hours, at maging sa break time.
Pag sapit ng uwian ay mas dumami pa yung mga kasabay naming umuwi sa bus, mula kala Brice, Mai, Yohan, Marlon, Van at Qym, nadagdag pa sa amin sila Jam, Cholo, Gem, Mike at Shella, kaya naman sobrang saya sa loob ng bus. :)
DAY 04, DAY 05 and so on...
Habang tumatagal ang mga araw ay mas nagiging matindi pa ang bonding sa loob ng office. Sana, makapasa kaming lahat sa CCT dahil kahit isa lang ang mawala sa amin, magiging kulang yung feeling dahil nakabuo na kami ng isang bond eh, kaya sana, makasurvive kami sa mga susunod pang mga challenges. GOOD LUCK SA AMIN! :)
From left to right: Qym, Gem, Jam, Van, Georgie, AC, Ako, Quinn (le trainer), Mai, Mike, Marlon, Shella, Brice, Toffer, and yung nasa baba, si Yohan
Taken at Mai's house after all of us passed CCT :)
Comments
Post a Comment